السلام عليكم و رحمة الله

Рошад қори ким?
"Ақида ва манхажи" қанака?
Кимдан ва қанча вақт илм олган?
Ижоза ва тазкиялари борми?
Бу кишида суннат аломатлари жамланганми?
Диний масалаларни уз фаҳмига қайтарадими ёки ассаляфу ссолихларни манхажида бўлган маъруф уламоларгами?
Кимлар билан утиради, кимларни гапини мақуллайди, уломалардан кимларни яхши куради/йомон куради?
Айни вақт у киши (саляффуссолихлар манхаджи бўлмиш) кибор уломалар ёки ундан кичироқларни олдида таълим олиб навозил масалаларда уламолар билан маслахатлашиб гапирувчиларданми?
Ким бу кишига фатво уа дин булмиш илимни таълим беришга руҳсат берди?
Навозил масалалар бўлмиш, халифат, жиход, ким хавориджу ким хавориджмас, ким хақдаю ким ботилда, ким шахиду ким шахидмас хақидаги масалаларни қаердан олиб гапираябди бу киши?
Сахобалар бу комил динда Қурон ва суннатни қўйиб, узларининг орасида билимлироқларни қўйиб "уз фахмидан гапирувчи"лардан бўлганмиди?!
уалЛаҳулмустаъан!

Шайх Солиҳ ибн Фавзон ал-Фавзон ҳафизаҳуллоҳ
Салаф солиҳ манҳажига эргашишлик ҳукми

Савол: Ақида, ибодат ва Аллоҳнинг йўлига даъват қилишликда салаф солиҳ манҳажига эргашишлик ҳукми нима? Суннатми ёки вожибми?

Жавоб: (Ҳар бир) кишига ақида, амал ҳамда дин ва дунё ишларининг барчасида аҳли сунна вал жамоага эргашишлиги вожибдир. Бу мусулмоннинг гарданидаги вожиб. Аллоҳ жалла ва аъла шундай деди: «Муҳожир ва ансорларнинг биринчи пешқадамлари ва уларга чиройли амаллар билан эргашган зотлар - Аллоҳ улардан рози бўлди ва улар ҳам Ундан рози бўлдилар» (Тавба: 100). Уларга эргашишлик мусулмоннинг зиммасидаги вожибдир. У киши соллаллоҳу алайҳи ва саллам шундай дедилар: «Яқинда ушбу уммат етмиш уч фирқага бўлиниб кетади. Биттасидан ташқари барчаси дўзахдадир». (Саҳобалар): «Ким у эй Росулуллоҳ» - дедилар. У киши (соллаллоҳу алайҳи ва саллам): «Бугунги кунда мен ва саҳобаларим бўлган йўлнинг (айни) мислидек йўлда бўлганлар» - дедилар. Бу Росулуллоҳ соллаллоҳу алайҳи ва саллам қилган васиятларидир.

Манба: http://www.alfawzan.af.org.sa/node/14230

«Сунан» эгалари ва бошқалар ривоят қилган ҳадисда Пайғамбар соллаллоҳу алайҳи ва саллам шундай дедилар: «Яқин келажакда алдамчи йиллар бўлади. Унда ёлғончи ростгўйга чиқарилади. Ростгўй ёлғончига чиқарилади. Омонатдор хоинга чиқарилади ва хиёнатчига омонат топширилади. Улар орасида Рувайбиза сўзлайди». «Эй Расулуллоҳ! Рувайбиза ким?», дейилди. У киши (соллаллоҳу алайҳи ва саллам): «Рувайбиза – қадр-қиймати бўлмаган, омманинг иши ҳақида сўзлайдиган кишидир»

Шайх Солиҳ ал-Фавзонга савол берилди: Турли мамлакатларда яшовчи толиби илмларга, ўша мамлакатда мусулмон ҳукмдор бўлмаса ва агарда улардан бошқа бирор ким билан боғланишнинг имкони бўлмаса, уммат йўлиққан муҳим масалаларда ва жиҳод масалаларида фатво беришлари вожиб бўладими ёки жоиз бўладими? Шу нарсани тушунтириб берсангиз.
Жавоб: Умумий масалаларда уларнинг фатво беришлари мумкин эмас. Бу масалаларда уламолардан бошқа ҳеч кимга фатво бериши мумкин эмас! Аллоҳ таоло бу ҳақида айтади: «Қачон уларга (жангга кетган мусулмон аскарлар ҳақида) тинчлик ёки хавф-хатар (яъни ғалаба ёки мағлубият) хабари келса, уни ёйиб юборадилар. Агар (улар ўзларига келган хабарни ҳар кимга ёйиб юрмасдан) пайғамбарга ва ўзларидан бўлган бошлиқларгагина етказганларида эди, уни (яъни мана шу хабарнинг ҳақиқатини) билмоқчи бўлган кишилар иш негизини биладиганлардан билган бўлар эдилар» (Нисо: 83). Бу масалаларни ўз илми ва тақвоси билан танилган уламолар ҳайъати ҳал қилиши керак бўлади. Умар разияллоҳу анҳу бирор муҳим масала рўй берса, бунинг учун муҳожир ва ансорларни тўплар эди. Ваҳоланки бу Умар эди! Шунга қарамай у, улар билан маслаҳатлашиш учун муҳожир ва ансорларни тўплар эди. Агар у (талаба)лардан оддий саволлар ҳақида сўрашса, агар уларда бу борада илм бўлса, улар жавоб беришлари мумкин. Бироқ муҳим масалаларга келсак, буларга ҳеч ким фатво бермайди, фақатгина бу масалаларни ўрганиб чиқадиган (бунга) муносиб уламолар (фатво бера оладилар). (Қаранг: «Фатава ал-Фавзан» № 7084)

Росулуллоҳ соллаллоҳу алайҳи вассаллам: "Қиёмат кунининг буелгиларидан бири шуки, илм кичиклардан олинади"
(Ибн ал-Мубарак 61, ат-Табарани 908, ал-Ляляқи 102., ‘Абдул-Ганни ал-Мақдиси ва шайх Албоний саҳиҳ деган.)

Ибн Масъуд : "Қачонки одамлар ишончли қария олимлардан илм оларканлар улар яхшиликда бўладилар ва қачонки ёшлардан илм ола бошласалар улар ўзларининг хато ниятларини деб ихтилофларга тушадилар ва ҳалок бўладилар.
(ат-Табарони 8589, ‘Абдур-Раззоқ 11/249, ал-Байхақий 1/275. Ибн Хаджар саҳиҳ деган.)

Ўшда Charlie Hebdo'га қарши митинг ўтказилди

Расулуллоҳни таҳқирлашликка нисбатан намойиш ўтказиш

[audio]https://tavhid.com/downloads/fatvolar/dolzarb_fatvo/dolzarb_fatvo_026_rasulullohni_tahqirlashlikka_nisbatan_namoyish_otkazish.mp3[/audio]
Юклаб олиш [mp3]

Савол: Аллоҳ сизга яхшилик ато этсин! Охирги вақтларда Пайғамбар соллаллоҳу алайҳи ва салламни филм, матбуот ёки бошқа йўллар орқали таҳқирлаш такрорланди. Савол шуки, ушбу таҳқирлашга нисбатан шаръий мавқиф нима? Давомида айтадики: Пайғамбар соллаллоҳу алайҳи ва салламни таҳқирлашга нисбатан норозилик намойиши билан ғазабнок эканини ифодалаш ҳукми нима?
Жавоб: Эй биродарлар! Ахир бу, янгилик эмас. Пайғамбар соллаллоҳу алайҳи ва саллам замонларида сеҳргар, ёлғончи, фолбин, шоир ва бундан бошқаларни айтишарди. Расул алайҳиссалоту вассалам эса сабр қилардилар. Сабр қилардилар ва шошилмасдилар. Аллоҳ у кишини сабрга буюрди. «Ва уларнинг гапларига сабр қил ва улардан чиройли четлашла, четлаб тур» (Музаммил: 10). (Бу таҳқирларни) эшитардилар, бироқ у киши алайҳиссалоту вассалам Аллоҳ азза ва жалланинг амрига биноан сабр қилардилар. «Албатта, Биз уларнинг айтаётганларидан сенинг дилинг сиқилишини яхши биламиз. Бас, Роббинг ҳамди ила тасбиҳ айт ва сажда қилгувчилардан бўл. Ва сенга аниқ нарса (ўлим) келгунича Роббингга ибодат қил» (Ҳижр: 97-99). У киши сабр қилардилар ва саҳобаларини бирорталари ўч олишидан маън қилардилар. Маккада бўлган кезлари саҳобаларини маън қилардилар. Чунки улар мушриклардан ўч олсалар, Маккада исломга нуқта қўйиларди. Даъватга ўз бешигида нуқта қўйиларди. Ҳижрат қилиб, ансор-(ёрдамчи)ларни топгач, ана шу дамда Аллоҳ у кишини жиҳодга – шаръий жиҳодга амр қилди.
Норозилик намойиши, вайронагарчилик, пок жонлар ҳамда мусулмонлар омонлик берган ва мусулмонларнинг ҳимоясидагиларни ўлдиришга келсак, бу хиёнат бўлиб, жоиз бўлмайди. Пок жонни ўлдириш жоиз эмас. Гарчи кофир бўлса-да жоиз бўлмайди. «Масжидул Ҳаромдан тўсгани учун бир қавмни ёмон кўришингиз уларга тажовузкор бўлишингизга олиб бормасин» (Моида: 2). Пок жонга тажовуз қилиш жоиз эмас. «Ҳеч бир жон бошқанинг оғирлигини кўтармас» (Анъом: 164). «Агар мушриклардан биронтаси паноҳ сўраса, унга паноҳ бер, токи у Аллоҳнинг каломини эшитсин. Сўнгра уни омонлик жойига етказиб қўй» (Тавба: 6).
Мушрикларнинг элчилари ўзаро музокара олиб бориш учун Расул соллаллоҳу алайҳи ва саллам ҳузурларига келишарди. У кишининг ҳузурларига ҳатто масжидларигача кириб боришарди, алайҳиссалоту вассалам. У киши улар билан ўзаро музокара юритардилар. Ҳолбуки улар мушрик ва кофирлар эди. Бироқ шу нарса маълум бўлмоғи лозимки, ислом ғазаб ва ўч олиш дини эмас. Балки у ҳидоят, раҳмат ва мулойимлик динидир. Худди Пайғамбар соллаллоҳу алайҳи ва саллам шундай бўлганларидек. Натижа нима бўлди? Натижа – Аллоҳ Ўз Расулига нусрат берди. Динини азиз қилди. Пайғамбар соллаллоҳу алайҳи ва салламни масхара қиладиганларнинг айримларни ислом қўмондонлари ва Аллоҳнинг йўлидаги мужоҳидларга айланди. Исломни қабул қилдилар ва исломлари гўзал бўлди. Чунки Пайғамбар соллаллоҳу алайҳи ва саллам уларга нисбатан сабр қилдилар ҳамда уларга ҳалим ва юмшоқлик қилдилар. Ҳатто улар у кишини яхши кўриб қолишди. Аллоҳ жалла ва аъла айтганидек: «Ва албатта, сен улкан хулқдасан» (Қалам: 4). Ана шулар, Расул соллаллоҳу алайҳи ва салламнинг ахлоқларидир. Кофирлар бу қилмишларни қилганларида (фитна) қўзғашни истайдилар. Ва: «Мусулмонларнинг қилмишларига қаранглар! Элчиларни ўлдиряптилар, уйларни вайрон қиляптилар, биноларни бузяптилар. Бу ислом динидандир», дейдилар. Кофирлар мусулмонларнинг жоҳилларини қилмишлари сабабли мусулмонлардан ўч олишлик учун ана шуни хоҳлайдилар. Жоҳиллар ёки улар сафига суқулиб кирганларнинг қилмишлари сабабли. Бундай ишларда шошмашошарлик жоиз эмас. «Сендан олдин ҳам Пайғамбарлар ёлғончига чиқарилганлар. Бас, улар то нусрат келгунча ёлғончига чиқарилганларига ва берилган озорларга сабр қилганлар. Аллоҳнинг сўзларини ўзгартирувчи йўқ. Батаҳқиқ, сенга Пайғамбарларнинг хабари келган» (Анъом: 34).
Исломнинг йўли ана шундай. Бу ишларга нисбатан юмшоқлик, ҳушёрлик, сабр ва шошмаслик. Мушриклар эса ушбу ишлардан айрим мусулмонлар томонидан юз берган ёввойилик, вайроналик ва қатлни натижа ўлароқ қўлга киритишни хоҳлайдилар. Ҳатто мусулмонлар ўз ўрталарида урушиб кетадилар. Норозилик намойиши ўтказаётганлар мусулмонлардан иборат хавфсизлик ходимлари билан урушадилар. Кофирлар хоҳлайдиган нарса ана шудир. Ҳа (шундай).

Шайх Солиҳ ибн Фавзон ал-Фавзон ҳафизаҳуллоҳ
http://www.alfawzan.af.org.sa/node/14103
Расулуллоҳни таҳқирлашликка нисбатан намойиш ўтказиш

Намойиш ўтказишни зарарларидан баъзиси, аёлларни эркаклар билан чиқишларидир. Бу айни аёл-эркак аралаш-қуралаш бўлиб кетишни ўзику. Хоссатан бугунги кундаги фаҳш ясан-тусанлар мавжуд бўлган пайтда. Фитнага чақирувчиларни эса фақат инқилоб ва зулмга асосланган бошқарувни, улар даъво қилишича, адолатли бошқарувга ўзгартиришгина қизиқтиради холос. Салафларни сўзидан эса жоҳил қолишди: «Ўзингиз қандай бўлсангиз, устингизга шундай ҳукмдор келади» (демак айбни ўзимиздан қидирайлик).

Намойишлар ўтказиш ҳақида айтилган маърифатли сўзлар (Иккинчи йиғилиш)

Масала норозилик намойиши ва… билан эмас. Майдонларни тўлдирасизлар. Эркак аёл билан, аёл эса эркак билан! Зўравонлик, номусларни оёқости қилиш, зино, рўмоллар (ечилиши), беҳаёлик, мусиқа ҳамда эркак ва аёл аралаш-қуралаш бўлиши. Ахир бу Аллоҳнинг диниданми?! Ушбу майдонларда ҳанграётган эй ўлик халқлар, Аллоҳга онт ичаманки, ғарб уни сизларга безаб кўрсатяпти. Эшаклар ҳанграгани каби ҳанграяпсизлар. Аллоҳдан қўрқинглар. Уйларингизга қайтинглар. Ушбу номани уларга нақл қилинглар-(еткзинглар). Уларга: Аллоҳдан тақво қилишлари, уйларига қайтишлари, ҳамда ушбу қичқириқ, ҳанграш ва вовуллаш ўрнига уйларини лозим тутишларини айтиб қўй.

Фазилатли шайх, аллома Солиҳ ибн Саъд ас-Суҳаймий ҳафизаҳуллоҳ
Кинона-(Миср) аҳлига нидо

Қўшимча манбалар:
Кофирлар Расулуллоҳ соллаллоҳу алайҳи ва салламни таҳқирлашига нисбатан тўғри мавқиф
Норозилик намойишлари масаласи борасидаги ҳукм