assalamu alaykum! bir birodar shunde savol berdilar, shunga javob bersangiz! barak Allohu fikum!
"Men Allohdan bir istagimni shundoq so'radimki, o'sha istak ro'yobga chiqishi uchun o'rtaga umrim bo'yi qilgan barcha hayli amallarni qo'ydim.
Barcha barchasini, kattasiyu kichigini. Ayttimki "Allohim, huzurinda zarrachalik qadrim bo'lsa, hayotim davomida qilgan bittagina amallarim bo'lsa ham hzurinda qabul qilgan bo'lsang..." deb duo qildim.
Avallai biror hayrli amalimni o'raga qo'yib so'rasam Allohga shukr, ijobat bo'lar edi. Allohu Akbar. Lekin bu duoyim ijobat bo'lmayapti.
Buni hikmati qandoq bo'ladi. Barcha amallarim qabul emas degan hulosaga kelishim Allohga isyon bo'lmaydimi. Unda nima uchun bunaqa bo'lyapti. Birodar, Men taqdirimdan, yoki ushbu istagim amalga oshmayabganligidan nolimayabman. Alloh asrasin. Faqatgina tushunib yetishni istayman, amallarim qabul bo'lmaganligi rostmi.

Agar savolim noo'rin bo'gan bo'lsa uzr so'riman. Man hech bir kibr yoki boshqa illat bilan so'ramadim.

Allohu A'lam!!!"
mana shu savol.....

Бисмиллаҳир роҳманир роҳийм

Аллоҳга ҳамдлар, Росулуллоҳ, унинг оиласи ва саҳобаларига салавоту саломлар бўлсин.
Сўнг ...

Аллоҳ таъоло бандаларига дуо қилишга буюрди. Уларнинг дуосини албатта ижобат қилишлигини айтди, бунга шубҳа йўқдир! Аллоҳ таоло деди: «Парвардигорларингиз: «Менга дуо-илтижо қилинглар. Мен сизларга (қилган дуоларингизни) мустажоб қилурман», деди». (Ғофир: 60)

Аллоҳ таоло деди: «Бандаларим Сиздан (эй Муҳаммад) Мен ҳақимда сўрасалар. Мен уларга яқинман. Менга дуо қилган пайтларида дуогўйларнинг дуосини ижобат қиламан. Бас, ҳақ йўлга юришлари учун (улар ҳам) Менинг (даъватимга) жавоб қилсинлар ва Менга иймон келтирсинлар». (Бақара: 186)

Шундай экан мусулмон киши бунга иймон келтиргандир. Аллоҳ таъоло бандаларини дуосини албатта ижобат қилади. Дуо - ибодатдир, ҳар бир ибодатнинг ўзини арконлари бўлгани каби дуода ҳам ўз шартлари бор. Банда дуо қилишда унинг шартларига риоя қилиш лозимдир. Шулардан баъзиларини айтиб ўтамиз. Расулуллоҳ соллаллоҳу алайҳи ва саллам айтдилар: «Аллоҳга, ижобат бўлишига қатъий ишониб, дуо қилинглар!» (Термизий, № 3479; Имом Аҳмад, № 6617).

Аллоҳнинг бандалари, дуо мустажоб бўладиган муҳим омиллардан бири – ейиладиган ва ичиладиган озиқлар ҳамда кийимларнинг ҳалол бўлишидир. Абу Ҳурайра разияллоҳу анҳудан ривоят қилинади:«Расулуллоҳ соллаллоҳу алайҳи ва саллам: «Аллоҳ покдир ва пок нарсаларни қабул қилади» дедилар ва узоқ сафарда бўлган, сочлари ҳурпайган ва чангга беланган ҳолида қўлларини осмонга очиб: «Ё, Рабб! Ё, Рабб!» деган, егани ҳаром, ичгани ҳаром ва кийгани ҳаром ва ҳаром билан озиқланган бир кишини тилга олдилар-да: «Бунга қандай ижобат қилинсин?!» дедилар» (Имом Муслим «Саҳиҳ», ҳадис № 1015).

Яна Росулуллоҳ солаллоҳу алайҳи васаллам айтдилар: «Дуо қилсам ижобат қилинмадим!» деб шошқалоқлик қилмас экан, бировингизнинг дуоси қабул қилинади» (Муттафақун алайҳ: Имом Бухорий «Саҳиҳ», ҳадис № 6340; Имом Муслим «Саҳиҳ», ҳадис № 2735);

Яна ул зот соллаллоҳу алайҳи васаллам айтадилар: «Дуо қилдим, қилдим! Бироқ дуоларим қабул бўлганини кўрмадим!» дейди-да, дуо қилишдан воз кечиб, дуо қилмай қўяди» (Имом Муслим «Саҳиҳ», ҳадис № 2735).

Инсонлар баъзида Аллоҳдан нотўғри нарса сўрашлари ҳам мумкин. Аллоҳнинг Китоби ва Росулуллоҳ соллаллоҳу алайҳи васалламнинг суннатларида ворид бўлган дуолар Ислом уммати учун дарсдир. Банда мана шу маъсур дуолар билан Роббисига мурожат қилиши дуо қилишдаги энг афзал йўлдир. Аллоҳдан нотўғри нарсани сўрашдан паноҳ сўраймиз. Аллоҳ таъоло айтади: "(Нуҳ) деди: «Парвардигорим, мен сендан ўзим билмаган нарсани сўрашдан паноҳ тилайман. Энди агар мени мағфират қилиб, ўз раҳматингга олмасанг, зиён кўргувчилардан бўлиб қолурман»." (Ҳуд-47).

Эй мусулмон, Росулуллоҳ соллаллоҳу алайҳи васалламнинг мана бу сўзларига қулоқ сол ва тафаккур қил! Абу Саид ал-Худрий розияллоҳу анҳудан ривоят қилинади Набий соллаллоҳу алайҳи ва саллам дедилар: «Банда Аллоҳга гуноҳга қўл урмаган ва қариндошлик алоқаларини узмаган ҳолатда дуо қилса, Аллоҳ унга уч нарсадан бирини беради: ё унинг тилагини бу дунёда беради, ё дуоси охиратга (захира қилиб) сақлаб қўяди ёки ундан дуоси қадар ёмонликни қайтаради». Саҳобалар: «Ундай бўлса дуо қилишни кўпайтирамиз»- дедилар. Расулуллоҳ соллаллоҳу алайҳи ва саллам: «Аллоҳ (нинг ажр бериши) кўпроқ»- дедилар» Имом Аҳмад ривоятлари.

Дуо такроран қилинадими ва нималар дуо қабул бўлишига тўсқинлик қилади?

[audio]http://www.alfawzan.af.org.sa/sites/default/files/03_24.mp3[/audio]

Савол: Агар дуо қилган бўлсам ва қабул бўлмаса, дуо такрор қилиниб, тавба қилинадими, эй фазилатли шайх? (Дуо) қабул бўлишига нималар тўсқинлик қилади?
Жавоб: Ҳа, дуоингни такрор қил ва ноумид бўлма. Ижобат кечикиши сенинг фойданг учун бўлиши мумкин. Қайта-қайта дуо қилавер. Дуо қилдим, дуо қилдим бироқ менга ижобат бўлмади деб айтма. (Набий) соллаллоҳу алайҳи ва саллам дедилар: «Дуо қилсам ижобат қилинмади, деб шошқалоқлик қилмас экан, бировингизнинг дуоси қабул қилинади» (Муттафақун алайҳ: Имом Бухорий «Саҳиҳ», ҳадис № 6340; Имом Муслим «Саҳиҳ», ҳадис № 2735). Айтадики, дуо қилдим, дуо қилдим менга ижобат бўлмади. Дуони кўпайтир ва дуода давомий бўл, Аллоҳ яқин ва (дуоларни) ижобат қилгувчидир.
Дуо қабул бўлиш сабаблари маъруфдир. Шулардан, ҳалол (луқма) ейиш, ҳадисда келганидек: «Бу киши узоқ сафар қилган, соч соқоли тўзиган, уст боши чангга беланган, қўлини осмонга чўзиб: Эй Роббим, Эй Роббим деб дуо қилади. Ҳолбуки емоғи ҳаром, ичмоғи ҳаром, либоси ҳаром, ҳаром билан боқилган, унинг дуоси қандай ижобат бўлсин?!» (Имом Муслим «Саҳиҳ», ҳадис № 1015). Дуо қабул бўлишига тўсқинлик қилувчи нарсалардан ҳаромдан емоқ ва у билан боқилмоқ. Яна (дуо қабул бўлишига) тўсқинлик қилувчилардан, аввал эслаб ўтганимиздек, дуо қилдим, дуо қилдим, бироқ қабул бўлмади дея шошилиш ва дуо қилишни тарк қилиш. Бу дуо қабул бўлишига тўсқинлик қилади. «Банда дуоси қабул бўлишига шошилмас экан унинг дуоси ижобат бўлаверади» (Имом Муслим «Саҳиҳ», ҳадис № 482).

Шайх Солиҳ ибн Фавзон ал-Фавзон
http://www.alfawzan.af.org.sa/node/15641

هل أكرر الدعاء وماهي موانع الأجابة

السؤال:
إذا دعوت ولم يُستجب لي, هل أكرر الدعاء يا فضيلة الشيخ والتوبة ,وما هي مُوانع الإجابة؟
الجواب:ـ نعم,كرر الدعاء ولا تيأس وربما يكون تأخير الإجابة من صالحك وكرر ولا تقول دعوت ودعوت فلم يستجب لي, قال صلَّى الله عليه وسلم،((يُستجابُ لأحدِكم ما لم يَعجل)) يقول قد دعوت ودعوت فلم يستجب لي ,فأكثر من الدعاء وواصل الدعاء والله قريبٌ مُجيب ,وأسباب قبول الدعاء معروفة منها الأكل الحلال كما في حديث ((الذي يمد يديه في السفر أشعث أغبر يقول ياربِ ، يارب ومطعمه حرام ومشربه حرام وملبسه حرام وغذي بالحرام فأنى يُستجاب لذلك)),أي من موانع قبول الدعاء أكل الحرام والتغذي بيه ,وكذلك من معانية ما ذكرناها إنه إذا عجلوا قالوا دعوت فدعوت فلم يستجب لي يترك الدعاء فهذا من موانع قبول الدعاء ,((يُستجابُ لأحد لأحدِكم مالم يَعجل)).