Assalamu aleykum va rohmatullohi va barokatuhu

2. Rosululloh sollallohu alayhi va sallamning bir hadislarida, devordagi yopishgan narsani ko'chirayotib:
"Namozxon bilan ka'ba o'rtasida Alloh bo'ladi, shundoq ekan namoz vaqtida tupurmoqchi bo'lsangiz qibla tomonga emas, chap tomonga yoki oyoqlari orasiga tupursin"
(mazmunan) (Sahih al-Buxoriy)
deganlar.
....
Sheyx Alboniy esa "Sifatu solatun Nabiy (sollallohu alayhi va sallam)" kitoblarida:
Namozxon kishi namoz vaqtida Allohni Arshda deb tasavvur qilishligini, etganlar.
....
Shulardan kelib chiqib:
Namoz o'quvchi namoz payti o'zini Arshda turib, Arshdagi Allohga namoz o'qiyotganini his qilishi kerakmi?

Baarokallohu fiykum.

Аллоҳ таоло махлуқотларидан олийда ва У намоз ўқувчининг рўбарўсидадир

Бухорий (406) ва Муслим (547) Абдуллоҳ ибн Умар розияллоҳу анҳумодан ривоят қилишди: "Росулуллоҳ соллоллоҳу алайҳи ва саллам қибла (томондаги) деворга тупурган кишини кўрдилар. (Тупукни) қириб-тозалаб сўнг одамларга юзланиб шундай дедилар: "Биронтангиз намоқ ўқиётиб олдига-рўбарўсига тупурмасин. Аллоҳ таоло намоз ўқиётганда унинг олд томон-рўбарўсидадир".
Ушбу ҳадис билан Аллоҳ таолонинг махлуқотларидан олийда эканлиги ўртасида зиддият йўқ.
Шайхул Ислом "Мажмуъ Фатава" (5/101)да шундай дедилар: "Пайғамбар соллоллоҳу алайҳи ва салламнинг: "Биронтангиз намозга турадиган бўлса, Аллоҳ таоло олд томони-рўбарўсида (бўлади). Бас, олдига тупурмасин", деган қовллари зоҳиран (қандай бўлса шундай) ҳақиқатдир. У субҳанаҳу ва таоло аршнинг юқорисида ва У намоз ўқувчининг рўбарўсидадир. Ушбу сифат ҳатто махлуқотларда ҳам собит бўлган. Инсон осмонга ё қуёшга ёки ойга муножот-сирли суҳбат қилса, ушбулар унинг юқорисида ва (шу билан бирга) олди-рўбарўсидадир ҳам".
Яна (5/672)да шундай дедилар: "Маълумки, ойга юзланиб хитоб қилаётган киши, унга (ойга) юзи билан йўналган ҳолда бўлади. Шу билан бирга ой унинг юқорисидадир. Демак ой унинг юқорисида бўлишига қарамай, у унга (ойга) юзи билан йўналиб-иқбол қилиб турибди... Банда намозда турганда ҳам ҳудди шундай, у Роббисига юзланиб-иқбол қилиб туради. Ҳолбуки Роббиси унинг юқорисидадир. Демак ўнг томонида ҳам, чап томонида ҳам бўлмаган, балки рўбарўсидаги Зотга, пастда-қуйида эмас, олийда бўлган Зотга дуо қилади".
Шайх Ибн Усаймин шундай дедилар: "Аллоҳ таоло намоз ўқувчининг рўбарўсида эканига далил Пайғамбар соллоллоҳу алайҳи ва салламнинг ушбу қовлларидир: "Биронтангиз намозда турганида олд томонга тупурмасин. Аллоҳ таоло олд томон-рўбарўсидадир". Ушбу (Аллоҳнинг намозхонни) рўбарўсида туриши Ўзига субҳанаҳуни лойиқ суратда, ҳақиқатига кўра собитдир. Ва бу Унинг олийда эканига зид келмайди. Ушбу иккиси орасини қуйидаги икки йўлга кўра жамласа бўлади:
1- Ушбу иккиси (бир вақтни ўзида ҳам юқорида ва ҳам рўбарўда бўлиши) махлуқотларни ҳаққида жам бўлгандир. Қуёш чиқар пайт, машриқ томонга юзланиб турган кишининг рўбарўсидадир ва шу билан бирга у (қуёш) осмонда. Демак ушбу икки хислат махлуқотни ҳаққида жамланган экан, Холиқ азза ва жаллада (жамланиши) авлороқдир.
2- Агарда ушбу икки хислатнинг махлуқотни ҳаққида жамланиши мумкин бўлмаганда, демак Холиқ субҳанаҳуни ҳаққида ҳам жамланмас эканда деган фикр келиб чиқмайди. Чунки Аллоҳ таолога ўхшаш бирор нарса йўқдир". ("Фатава Ибн Усаймин" (4/287)).