Ассаламу алайкум! Бир дугонамиз эри билан судда ажрашган. Шунга кўра талоқ тушадими? Эрини зулмни кўп қилганлиги, ароқхўрлиги ва нафақа қилмаслиги шундай йул тутишга мажбур қилибди. Бирга яшашмай қўйганига 2,5 йил бўлибди. Бирорта мўминга турмушга чиқиши жоизми? Жавоб учун ташаккур.

Ва алайкум ассалам ва роҳматуллоҳи ва барокатуҳ!

Назратуллоҳ Абу Марям

Судда ажрашган аёл талоғи

[audio]https://tavhid.com/downloads/maruza/nazratulloh/savol_javob/sudda_ajrashgan_ayol_talogi.mp3[/audio]
Юклаб олиш

Ассаламу алайкум. Эри талоқни хоҳламаяпти, лекин тепадаги саволга ўхшаб оиласини ўша ҳолатда ташлаб қўйган. Иш судяни ажратиб юбориш даражасига борди. Аёлга ажралганлик ҳукми тушадими ва бошқага турмушга чиқа оладими? Жазакаллоҳу хойрон.

Ассаламу алайкум.

وعليكم السلام ورحمة الله وبركاته

Эри талоқни хоҳламаяпти, лекин тепадаги саволга ўхшаб оиласини ўша ҳолатда ташлаб қўйган. Иш судяни ажратиб юбориш даражасига борди. Аёлга ажралганлик ҳукми тушадими ва бошқага турмушга чиқа оладими?

Мен Дилмурод Абу Муҳаммад ҳафизаҳуллоҳнинг талоққа оид дарсларидан бирига қатнашганимда, дарсдан кейин юқорида зикр қилиб ўтилган саволга ўхшаш саволни бергандим. Масалан, эр золим, хотин никоҳни бекор (фасх) қилишга қозига боришга етарли сабаблари бор. Эр эса талоқ бериш нияти йўқ. Ҳолат шу даражага етганки, хотин бу эр билан бир кун ҳам яшай олмайди. Афсуски ҳозирги кунда бизнинг Ўрта Осиё давлатларида бу каби ишлар қози орқали ҳал қилинмайди. Агарда аёл судга борса, суд эр-хотинни ажратиб юборса, мана шу ҳолатда никоҳ ҳам шаръан бекор бўладими деган маънода савол бердим.
Дилмурод Абу Муҳаммад қуйидаги маънода жавоб бердилар: Дунёвий судда ажрашиш талоқ бўладими деган масалада уламолар орасида ихтилоф бор. Тўғрироғи, агар суд шариатга мувофиқ ҳукм чиқарган ҳолда эр-хотинни ажратиб юборса, талоқ тушади.
Валлоҳу аълам.

Жазакаллоҳу хойрон.

Ва ийякум!